اسلام آباد21 جولائي (اے پي پي﴾ وفاقي كابينې د پوليس سروس آف پاكستان د ريټائرډ آفيسر آفتاب سلطان د قومي احتساب بيورو د چيئرمېن په توګه د ټاكنې منظوري وركړې ، كابينې افغان ټرانزټ ټرېډ لپاره د ملټي ماډل ايئر روډ كورېډور منظوري هم وركړې او د يوريا د يو ټن درآمد په 100 ډالره او د غنمو په 36 ډالره د يو ټن كمې بېعې د ټېنډر عمل په زر ترسره كولو د دواړو وزارتونو ستائنه شوې. د زيارت په ورځ د وزيراعظم دفتر د مېډيا څانګې لخوا جاري شوي بيان له مخې د وزيراعظم محمد شهباز شريف په مشرې كښې د وفاقي كابينې غونډه وشوه. وزيراعظم د لاهور څخه د وېډيو لنك د لارې د كابينې د غونډې مشري وكړه. وزيراعظم د كابينې د ټولو غړو هركلے وكړو. د خزانې وزير مفتاح اسماعيل وفاقي كابينې د امريكائي ډالرو په رېټ كښې د اوسنې اضافې په اړه بريفنګ وركړو. وفاقي وزير غونډې ته ووئيل د امريكائي ډالر بېعه كمولو او د پاكستانې روپې په قدر كښې استحكام لپاره ټول ضروري اقدامات كولې شي، راتلونكې مياشت به د پاكستان روپې د امريكائي ډالرو په مقابل كښې مستحكمه شي. د خزانې وفاقي وزير ووئيل د روان مالي كال په مهال به د تېر كال په نسبت په هېواد كښې د اقتصادي پرمختګ شرح ښه وي. وفاقي كابينې د پوليس سروس آف پاكستان د ريټائرډ آفيسر آفتاب سلطان د قومي احتساب بيورو د چيئرمېن په توګه د ټاكنې منظوري وركړې. كابينې ته ووئيل شول د نېب چيئرمېن د ټاكنې موده درې كاله شوې او د دې موده نه شي زياتېدے. د نېب چيئرمېن ټاكنه په قومي اسمبلۍ كښې د حكومتي ډلې مشر او د مخالې ډلې مشر په مشاورت كولې شي. وفاقي كابينې د تجارت وزارت په سپارښتنه افغان ټرانزټ ټرېډ لپاره د ملټي ماډل ايئر روډ كورېډور منظوري هم وركړې. وفاقي كابينې د تجارت وزارت په سپارښتنه د پاكستان او تركيې ترمېنځه په ټرېډ ان ګډز لوظنامه د لاسليك كولو منظوري هم وركړه. پاكستان او تركيې د وزيراعظم د تركيې وروستې دورې په مهال په دې لوظنامه د لاسليك كولو اعلان كړے ؤ . د تركيې لخوا به پاكستان ته په 261 ټېرف لائنز رعايت وركولې شي چې پكښې په 123 څيزونو په فوري توګه زيرو رېنټګ هم شامل دے، د پاكستان لخوا تركيې ته په 130 ټېرف لائيز د رعايت وړاندېز شوے. لوظنامې سره به د پاكستان او تركيې ترمېنځه د دوه اړخيزه تجارت حجم 5 اربه ډالرو ته ورسي. وزيراعظم د دې لوظنامې په اړه د تجارت وزارت هڅې وستائيلې. كابينې په افغانستان كښې د پاكستانو روغتونونو آپرېشنز، ساتنې، د سامان وركړې او د عملې تنخاګانو په اړه د افغانستان حكومت ته د فنډ منتقل كولو منظوري وركړه. وفاقي كابينې د بين الصوبائي رابطه وزارت په سپارښتنه د فېډرل لېنډز كميشن چيئرمېن بابر يعقوب فتح محمد د استعفٰی منظوري وركړه او د نوي چيئرمېن د ټاكنې پرېكړه به وفاقي كابينه كوي. كابينې د اقتصادي رابطه كمېټې د 20 جولائي كال 2022 په غونډه كښې د شوو پرېكړو توثيق هم وكړو. كابينې د چائينيز فرم څخه يوريا په 100 امريكائي ډالره د يو ټن بېعې درآمد په اړه د تجارت وزارت او د نېشنل فوډ سېكورټي وزارت، د تجارت سېكرټري او د نېشنل فوډ سېكرټري هڅې وستائيلې. كابينې د غنمو اخستو په اړهه د طلب كړي قيمت څخه 36 امريكائي ډالرو د يو ټن په كمه بېعه د ټېنډر عمل په زر ترسره كولو د نېشنل فوډ سېكورټي وزارت د ډلې ستائنه وكړه. وزيراعظم د سټېټ بانك بورډ آف ډائرېكټرز لپاره په تجويز شوو نامو د كابينې كمېټې جوړولو هدايت هم وكړو كومه به چې په نامو غور كولو سره خپل رپورټ وفاقي كابينې ته وړاندې كوي.
