لاهور 08 جنوري (اے پي پي) د پنجاب وزيراعلٰی سردار عثمان بزدار د سختې واورې ورېدو نه پس په پېدا شوي صورتحال په مري كښې د بېړني حالت د نفاذ اعلان كړے او مري ئې آفت ځپلې ګرځولے دے. په دې لړ كښې نوټېفيكېشن جاري كړے شوے دے. وزيراعلٰی خپله چورلكه هم د رېسكيو چارو لپاره سپارلې ده. د موسم تر ښه كېدو به چورلكه د مرستې په چارو كښې برخه اخلي. وزيراعلٰی وئيلي دي چې د مري صورتحال په تناظر كښې په ټولو ادارو كښې بېړنې حالت په ځائ كړے شوے دے. وزيراعلٰې په مري كښې په رامېنځ ته شوي پېښه خواشيني هم ښودلې.
